مغربی بنگال کے ریاستی اسمبلی میں جمعہ کے روز بجٹ اجلاس شروع ہوگا، تاہم وزیرخزانہ امت مترا کی طعبیت ناساز ہونے کی وجہ سے جمعہ کو بجٹ پیش نہیں ہوگا بلکہ ان کی جگہ ترنمول کانگریس کی سربراہ اور وزیراعلیٰ ممتا بنرجی بجٹ اجلاس کے پہلے دن اسمبلی کو جطاب کریں گی۔
ریاستی اسمبلی اسپیکر بمان بنرجی نے بجٹ سیشن کے لئے نوٹیفکیشن جاری کرتے ہوئے آل پارٹی میٹنگ طلب کی۔ اس دوران انہوں نے بجٹ سیشن کے دوران تمام پارٹیوں کے رہنماؤں کو اسمبلی میں حاضر ہونے کی ہدایت دی۔
اسپیکر نے مزید کہا کہ وزیر خزانہ کی غیر موجودگی میں وزیراعلیٰ ممتا بنرجی نے اسمبلی کو خطاب کریں گی، اس کے بعد حزب اختلاف کے رہنما عبدالمنان نے بجٹ سیشن کے پہلے دن ہی وزیراعلیٰ ممتا بنرجی کی تقریر کی مخالفت کی۔
انہوں نے کہا کہ اسمبلی انتخابات سے قبل بجٹ سیشن کے دوران وزیراعلیٰ ممتا بنرجی نے ترقیاتی منصوبوں کا اعلان کرکے عام لوگوں کی توجہ اپنی طرف مبذول کرنے کی کوشش کریں گی۔
مزید پڑھیں:
اظہار خیال کی آزادی پر بندھن نا قابل قبول: ممتا بنرجی
عبدالمنان نے کہا کہ اس سے حکمراں جماعت ترنمول کانگریس کو فائدہ ہو سکتا ہے. اس پر اپوزیشن پارٹیوں کو اعتراض ہے۔
ذرائع کے مطابق جمعہ کے روز اسمبلی میں بجٹ سیشن کے دوران وزیراعلیٰ ممتا بنرجی نے اسمبلی انتخابات کے مدنظر ریاستی عوام کے لئے انگنت ترقیاتی منصوبوں کا اعلان کر سکتی ہیں۔
