کولکاتا:مغربی بنگال بی جے پی کے ناراض گروپ نے ریاستی تنظیم میں تبدیلی کا مطالبہ کیا ہے ۔یہاں تک کہ بی جے پی کے ریاستی صدر سوکانت مجمدار اور امیتابھ چکرورتی کو بھی ہٹانے کا مطالبہ کیا گیا ہے ۔ فائیو اسٹار ہوٹل میں پارٹی قائدین کی میٹنگ پر بھی سوال کھڑا کیا جارہا ہے۔
آج کے احتجاج کے بارے میں پوچھے جانے پرسابق ریاستی صدر دلیپ گھوش نے کہا کہ مجھے لگتا ہے کہ سب کی بات نہیں سنی جا رہی ہے، جو پارٹی کے انچارج ہیں انہیں سب سے بات کرنی چاہیے، سب کی سننی چاہیے۔بارسات ضلع صدر کو ہٹانے کا مطالبہ کرتے ہوئے بدھ کو بی جے پی کے سالٹ لیک آفس میں ہنگامہ کیا گیا تھا ۔پارٹی دفتر میں داخل ہونے کےلئے گیٹ بھی توڑ دیا گیا تھا ۔ بی جے پی میں گروپ بندی کی وجہ سے پارٹی اعلیٰ قیادت فکر مند ہے۔
ناراض بی جے پی کیمپ کا ایک گروپ پہلے ہیبی جے پی بچاؤ منچ کی تشکیل دے چکا ہے۔بی جے پی کے ریاستی دفتر مرلی دھر سین لین کے باہر اسی گروپ نے احتجاج کیا ہے۔
یہ بھی پڑھیں:Governor CB Anand Bose مغربی بنگال کے گورنر کی قومی ہاکی ٹیم کے گول کیپر سریجیش سے ملاقات
گروپ کے ایک لیڈر نے کہا کہ اگر موجودہ ریاستی کمیٹی برقرار رہتی ہے تو بنگال بی جے پی اگلے سال لوک سبھا انتخابات میں بڑی شکست سے دوچار ہوگی ۔اگر تمام لیڈروں کو فوری طور پر نہیں ہٹایا گیا تو ریاست بھر میں بی جے پی بچائو کمیٹی کی تشکیل دی جائے گی۔
