درگاپور دھماکے کی جانچ این آئی اے سے کرانے کا مطالبہ

مغربی بنگال کے بانکوڑہ ضلع کے وشنوپور سے بی جے پی کے رکن پارلیمان سمترا خان نے ریاستی حکومت پر تنقید کرتے ہوئے درگا پور دھماکے کی اعلی سطحی انکوائری کا مطالبہ کیا ہے۔

بی جے پی کے رکن پارلیمان سمترا خان نے درگاپور پروجیکٹ لمیٹیڈ میں بھیانک دھماکے کی این آئی اے سے تفتیش کرانے کا مطالبہ کیا ہے۔ سمترا خان کا کہنا ہے کہ ریاست کے مختلف اضلاع میں گزشتہ دو مہینوں کے دوران متعدد دھماکے ہوئے ہیں۔ ان دھماکوں کو کسی بھی قیمت پر نظر انداز نہیں کیا جا سکتا ہے۔ یہ تمام واقعات ایک دوسرے سے جڑنے کا شعبہ ہے۔

انہوں نے کہا کہ پروجیکٹ لمیٹیڈ میں بھیانک دھماکہ ہوا تھا، جس کی وجہ سے پورے علاقے میں خوف و ہراس پھیل گیا تھا۔ دھماکے کا واقعہ اتنا بھیانک تھا کہ ایک شخص کی موقع پر ہی موت واقع ہوگئی، جبکہ دوسرا شخص شدید طور پر زخمی ہوگیا تھا۔ انہوں نے کہا کہ درگاپور اور اس کے اطراف میں بنگلہ دیشی شہری اور روہنگیا کے باشندوں کی اچھی خاصی تعداد ہے۔ اگر این آئی اے سے اس معاملے کی تفتیش کرائی جائے تو دودھ کا دودھ اور پانی کا پانی ہو جائے گا۔

واضح رہے کہ گزشتہ روز درگاپور پروجیکٹ لمیٹیڈ میں بھیانک دھماکہ ہوا تھا جس میں ایک شخص کی موت ہو گئی تھی جبکہ دوسرے شخص کے دونوں پاوں اڑ گئے تھے۔