مغربی بنگال کے بھوانی پور اسمبلی حلقہ میں آئندہ ہونے والے ضمنی انتخابات میں ممتا بنرجی کے خلاف بی جے پی کی امیدوار پرینکا ٹبریوال نے آج پرچہ نامزدگی داخل کیا ہے۔ پیشہ سے وکیل پرینکا ٹبریوال ممتا بنرجی کے خلاف بھوانی پور اسمبلی حلقہ سے مقابلہ کے لئے پرعزم ہیں۔
اس موقع پر اپوزیشن کے رہنما شبھیندو ادھیکاری نے کہا کہ بھوانی پور ضمنی انتخاب کی لڑائی اس ریاست میں جمہوریت کی بقا کی لڑائی ہے۔ الیکشن کے بعد ہونے والے تشدد کا ذکر کرتے ہوئے انہوں نے کہا کہ مغربی بنگال میں جو حالات پیدا ہوگئے ہیں اس کے خاتمہ کے لئے لوگوں کو بی جے پی کو ووٹ دینا ہوگا۔
شبھیندو ادھیکاری نے بھوانی پور ضمنی انتخابات کے حوالے سے کہا کہ 'وزیر اعظم نریندر مودی کی وجہ سے آپ کو ویکسین ملا ہے لہٰذا ماسک پہن کر نکلے اور بی جے پی کو ووٹ دیں'۔
مزید پڑھیں:
وہیں آج سی پی آئی ایم کے امیدوار شری جیب بسواس نے بھی پرچہ نامزدگی داخل کیا ہے۔انہوں نے اس موقع پر کہا کہ اس حکومت کے خلاف ہماری لڑائی 365 دن چلتی رہے گی۔
