رامپور ہاٹ سانحہ پر مغربی بنگال کے گورنر جگدیپ دھنکر نے ممتابنرجی کی قیادت والی ریاستی حکومت اور داخلہ سیکریٹری سے وضاحت طلب کی ہے۔
گورنر مغربی بنگال جگدیپ دھنکر نے رامپور ہاٹ سانحہ پر اپنے ٹویٹ میں لکھا کہ اس کے طرح کا واقعہ رونما ہونا واقعی تشویش کا باعث ہے۔ اس سے دنیا میں ریاست سے متعلق منفی پیغام پہنچے گا۔'
مغربی بنگال کے گورنر جگدیپ دھنکر نے کہا کہ مغربی بنگال میں جمہوریت کو نقصان پہنچایا جا رہا ہے۔ لاء اینڈ آرڈر نام کی کوئی چیز نہیں ہے، اسی وجہ اس طرح کا دلدوز واقعہ پیش آ رہا ہے۔'
انہوں نے کہا کہ' رامپور ہاٹ میں آٹھ لوگوں کی موت پر کون جواب دے گا۔ اس کی وضاحت کرنے کے لیے کون آگے آئے گا۔ یا پھر سارے لوگ خاموش تماشائی بنے رہیں گے۔'
ان کا کہنا ہے کہ بلدیاتی انتخابات کے نتائج کے بعد سے شروع ہونے والے تصادم کو روکنے کے لیے کوئی ٹھوس قدم نہیں اٹھایا گیا ہے۔ حکومت کی عدم توجہی کے سبب مغربی بنگال میں روزانہ قتل کی وارداتیں پیش آ رہی ہیں۔'
مغربی بنگال کے گورنر جگدیپ دھنکر نے کہا کہ ریاستی داخلہ سیکریٹری کو اس معاملے کی وضاحت کرنے کے لیے راج بھون (گورنر ہاؤس) طلب کیا گیا ہے۔ ریاستی حکومت پر وضاحت کرنے کی ذمہ داری بنتی ہے اور اسے جواب دینا پڑے گا۔'
واضح رہے کہ پیر کی شب رامپور ہاٹ تھانہ کے باگٹی پنچایت کے نائب پنچایت پردھان بھدو شیخ کی نامعلوم شرپسندوں کے بموں کے حملے میں موت ہوگئی تھی۔ اس واقعے کے چند گھنٹوں کے بعد دیر رات نامعلوم افراد نے باگٹی گاؤں کے دس سے بارہ گھروں میں آگ لگا دی تھی۔ آتشزدگی میں دو بچوں سمیت نو لوگوں کی موت کی اطلاع ہے۔
مزید پڑھیں:
