مغربی بنگال کے دارالحکومت کولکاتا میں واقع ریاستی سیکریٹریٹ بلڈنگ نبنو گھیراؤ کے دوران لفٹ فرنٹ کے یوتھ ونگ ڈی وائی ایف آئی اور پولیس اہلکاروں کے مابین جھڑپ کا معاملہ سامنے آیا۔
ڈی وائی ایف آئی کی جانب سے روزگار، صنعتی ترقی سمیت مختلف مطالبات پر سکریٹریٹ بلڈنگ نبنو گھیراؤ کے لئے احتجاجی جلوس نکالا گیا تھا۔
اس دوران پولیس نے ڈی وائی ایف آئی کے کارکنان کو نبنو کی جانب جانے سے روکنے کی کوشش کی لیکن کارکنان کے نہیں ماننے کے سبب پولیس کو طاقت کا استعمال کرنا پڑا جس سے ماحول خراب ہوگیا، معاملے کو دیکھتے ہوئے پولیس نے واٹرکینن کا بھی استعمال کیا۔
مزید پڑھیں:
بنگال میں حکومت بناؤں گی اور ملک بھی سنبھالوں گی: ممتا بنرجی
اس تعلق سے ڈی وائی ایف آئی مظاہرین پر پولیس کی جانب سے طاقت کے استعمال کرنے کے خلاف جمعہ کو بارہ گھنٹے کا بنگال بند کا اعلان کیا ہے۔
واضح رہے کہ نبنو گھیراؤ کے دوران پولیس اور ڈی وائی ایف آئی کے درمیان ہوئے جھڑپ میں متعدد افراد زخمی ہوئے ہیں جن میں پولیس اہلکار بھی شامل ہیں۔
