مغربی بنگال کے دارالحکومت کولکاتا سے متصل ضلع شمالی 24 پرگنہ کے سالٹ لیک میں واقع جادب پور یونیورسٹی کے گراؤنڈ میں بنگال اور آسام کی ٹیمیں آمنے سامنے ہوئیں۔
مہمان ٹیم آسام کے پانچ وکٹوں کے نقصان پر157 رنوں کے ہدف کے تعاقب میں میزبان ٹیم بنگال مقررہ بیس اوورز میں آٹھ وکٹوں کے نقصان پر 144 رن ہی بنا سکی۔
اس طرح بنگال کو سید مشتاق علی ٹی-20 ٹرافی کے دوسرے میچ میں 13 رنوں سے شکست کا سامنا کرنا پڑا۔
بنگال کی جانب سے کپتان انستوپ مجمدار 48 رن، تجربہ کار بلے باز منوج تیواری 33 رن اور ویویک سنگھ اکیس رن بنا کر نمایاں اسکورر رہے۔
یہ بھی پڑھیں: روٹ کی چوتھی ڈبل سنچری، انگلینڈ کی پوزیشن مضبوط
آسام کی جانب سے پریتم داس کو تین، ریان گرگ کو جبکہ مختار حسین اور رزاق الدین احمد کو ایک ایک وکٹ ملا۔
اس سے قبل آسام کی ٹیم پہلے بیٹنگ کرتے ہوئے مقررہ بیس اوورز میں پانچ وکٹوں کے نقصان پر 157 رن بنائے۔
آسام کی جانب سے ریان گرگ 54 گیندوں پر پانچ چوکوں اور پانچ چھکوں کی مدد سے 77 رن بنا کر ٹاپ اسکورر رہے۔
