ممتا بنرجی پر حملہ: الیکشن کمیشن، بنگال حکومت کی رپورٹ سے نالاں

الیکشن کمیشن کے سینئر آفیسر نے کہا کہ بنگال حکومت کی رپورٹ میں خاکہ نگاری بہت زیادہ ہے اور یہ بتانے کی کوشش نہیں کی گئی ہے کہ یہ واقعہ کیسے پیش آیا ہے اور اس کے لئے ذمہ دار کون ہے۔

الیکشن کمیشن نے 10 مارچ کو نندی گرام میں ہوئے ممتا بنرجی پر حملے پر مغربی بنگال حکومت کی رپورٹ کو ’’خاکہ نگاری‘‘ قرار دیا ہے ۔کمیشن نے اس رپورٹ پر چیف سیکریٹری الاپن بندو پادھیائے سے اس معاملے میں وضاحت طلب کی ہے۔کمیشن نے چیف سیکریٹری سے کہا کہ یہ واقعہ کیسے پیش آیا اور اس کے پیچھے کون لوگ شامل تھے۔

الیکشن کمیشن کے سینئر آفیسر نے کہا کہ بنگال حکومت کی رپورٹ میں خاکہ نگاری بہت زیادہ ہے اور یہ بتانے کی کوشش نہیں کی گئی ہے کہ یہ واقعہ کیسے پیش آیا ہے اور اس کے لئے ذمہ دار کون ہے۔ ہم نے بنگال حکومت سے کہا ہے کہ اس معاملے میں مفصل رپورٹ پیش کریں۔

الیکشن کمیشن نے کہا کہ جمعہ کو حکومت نے جو رپورٹ پیش کی ہے کہ اس میں کہا گیا ہے کہ ایک بھیڑ ممتا بنرجی کے قافلے کے پیچھے تھے جس میں سے چار سے پانچ آدمی ممتا بنرجی کی گاڑی کو ڈھکیل دیا ۔مگر یہ چار پانچ لوگ کون ہیں ۔

خیال رہے کہ ممتا بنرجی بدھ کو نندی گرام میں پرچہ نازمدگی داخل کرنے کے بعد بولیا بازار سے نکل رہی تھیں کہ حادثہ کا شکار ہوگئیں۔ممتا بنرجی نے اس کو سازش قرار دیا تھا۔وزیر تین دنوں تک اسپتال میں رہنے کے بعد ڈسچارج ہوگئی ہیں۔