مغربی بنگال کے جل پائی گوڑی ضلع کے ایک گاؤں میں پیر کے روز جنگل سے بھٹک کر ایک ہاتھ گاؤں میں پہنچ گیا اور علاقے میں لگے چائے کے باغات کو تباہ کردیا۔ یہ واقعہ پھلباری پنچایت کے پوتیماری گاؤں میں پیش آیا۔
جنگل سے بھٹک کر گاؤں پہنچے ہاتھی نے کئی گھنٹوں تک بانس کے درخت میں پناہ لی اور دوبارہ پوٹیماری گاؤں میں داخل ہوا۔ ہاتھی کو بغیر کسی جانی نقصان کے دوبارہ جنگل میں لے جانے کے لئے اعلیٰ افسران سمیت 100 جنگل کے محافظوں کی مدد لی گئی۔
پھلباری پنچایت کے پردھان دلیپ رائے نے کہا کہ "بھیکنتھو پور جنگل سے ایک ہاتھی آیا اور کئی گھنٹوں تک ہمارے گاؤں میں رہا۔ محکمہ جنگلات نے اس جانور کو جنگل میں منتقل کردیا"۔
اسسٹنٹ ڈویژنل فارسٹ، بھیکنتھو پور کے آفیسر جینتا منڈل کے مطابق "ہمیں اطلاع موصول ہوئی کہ ایک جنگلی ہاتھی گاؤں میں داخل ہوا ہے۔ ہماری ٹیم جانور کو وہاں سے بھگانے کے لئے موقع پر پہنچی، اس کام میں ہمیں ایک دن لگ گیا، دیر شام کے وقت ہم نے اسے کامیابی کے ساتھ جنگل میں واپس بھیج دیا۔ جب کہ اس درمیان کوئی جانی نقصان نہیں ہوا۔ "
