ریاست اُتراکھنڈ کے شہر ہریدوار میں سِدکُل پولیس اسٹیشن کے سربراہ پرشانت بہوگُنا نے میڈیا کو بتایا کہ متعلقہ پولیس اسٹیشن میں ایک شخص کی طرف سے شکایت درج کی گئی کہ اُسے متعدد افراد نے بے رحمی سے پیٹا ہے۔
پولیس کے مطابق جوفان نامی نوجوان نے کہا کہ چھ سے سات افراد اُسے زبردستی اپنے ساتھ لے گئے اور لاٹھیوں سے مارنے کے بعد کئی گھنٹوں تک پیڑ پر لٹکا کر رکھا۔
متاثر شخص کے مطابق پٹائی کے سبب اُس کے پیر میں شدید چوٹیں آئی ہیں۔
متاثرہ نے بتایا کہ اُس پر فون چوری کرنے کا الزام لگا کر پٹائی کی گئی ہے، جوفان نے دعویٰ کیا ہے کہ وہ بے قصور ہے۔
