ریاستی دارالحکومت دہرادون ڈوئی والا میں کانگریس کے سیکڑوں کارکن تحصیل کیمپس میں جمع ہوئے جہاں انہوں نے بڑھتی ہوئی بے روزگاری ، ناقص تعلیم ، ناقص تحفظ اور سی اے اے، این آر سی کے خلاف احتجاج کیا۔
اس دوران کارکنان نے مرکزی حکومت کی طرف سے نافذ شدہ ایکٹ پر برہمی کا اظہار کرتے ہوئے بی جے پی کے خلاف شدید نعرے بازی کی۔
کانگریس کا الزام ہے ریاستی حکومت کے ساتھ ہی مودی سرکار ملک کے عوام پر ظلم کر رہی ہے ، کانگریس اسے برداشت نہیں کرے گی۔
اسی دوران کانگریس قائدین نے کہا کہ' ریاست اور مرکزی حکومت امور سے بھٹک گئی ہے اور جس طرح سے عوام سی اے اے کے خلاف سڑکوں پر ہیں، یہ سب دیکھ کر کہا جاسکتا ہے کہ یہ حکومت مکمل طور پر ناکام ہیں۔
