جوشی مٹھ ڈیم ٹوٹنے کا ویڈیو وائرل

اتراکھنڈ کے ضلع چمولی میں گذشتہ 7 فروری 2021 کو گلیشیئر ٹوٹنے سے زبردست تباہی ہوئی ہے۔اس حادثے میں 32 افراد ہلاک جب کہ 174 لاپتہ ہیں۔

ریاست اتراکھنڈ کے ضلع چمولی میں گلیشیئر ٹوٹنے کے بعد سے ہی انتظامیہ کی جانب سے مسلسل نگرانی رکھی جارہی ہے، تاہم محکمہ ڈیزاسٹر مینجمنٹ بھی اس تعلق سے کافی متحرک ہے، کنٹرول روم سے مسلسل پورے ضلع پر نظر رکھی جارہی ہے۔

افسران کی جانب سے بھی مسلسل لوگوں کی حفاظت کے تئیں حکم جاری کیا جارہا ہے۔

گذشتہ تین دنوں سے راحت رسانی کا کام جاری ہے۔ جس میں 600 سے بھی زائد فوجی اہلکار لگے ہوئے ہیں۔

چمولی ضلع کے جوشی مٹھ کے قریب تپوان میں این ٹی پی سی ڈیم کے اوپر کام کرنے والے کارکن پانی کے بوند کی طرح بہہ گئے ہیں۔ یہ منظر دیکھ کر ذہن ماؤف ہو جاتا ہے۔

یہ مزدور ڈیم کے اوپر کام کر رہے تھے۔ جب سیلاب آیا تو انہیں جان بچانے کا موقع نہیں ملا۔