Himachal Landslide دہرادون میں گاڑی پر پتھر گرنے سے تین کی موت

دہرادون ضلع کے پولیس ترجمان کے مطابق آج صبح تقریباً 11 بجے پولیس اسٹیشن کلسی کوٹی روڈ (تونیا کے قریب) پر ایک گاڑی پر پہاڑی سے ایک بڑا پتھر گرگیا۔ اس پر پولیس ٹیم نے مقامی لوگوں کی مدد سے جائے واقع پر پہنچ کر راحت اور بچاؤ کا کام کیا۔ انہوں نے بتایا کہ مذکورہ گاڑی میں کل چھ افراد سوار تھے۔ جن میں سے تین کی موقع پر موت واقع ہوگئ۔

دہرادون: اتراکھنڈ میں موسلادھار بارش کی وجہ سے آج کا دن کافی ناگوار ثابت ہوا۔ ریاست کے الموڑہ، اترکاشی میں ہوئے حادثات میں دہرادون ضلع میں ایک گاڑی پر پتھر گرنے سے تین افراد ہلاک اور دیگر تین زخمی ہوگئے۔دہرادون ضلع کے پولیس ترجمان کے مطابق آج صبح تقریباً 11 بجے پولیس اسٹیشن کلسی کوٹی روڈ (تونیا کے قریب) پر ایک گاڑی پر پہاڑی سے ایک بڑا پتھر گرگیا۔ اس پر پولیس ٹیم نے مقامی لوگوں کی مدد سے جائے واقع پر پہنچ کر راحت اور بچاؤ کا کام کیا۔ انہوں نے بتایا کہ مذکورہ گاڑی میں کل چھ افراد سوار تھے۔

گاڑی کوٹا دیماؤ گاؤں سے ٹماٹر اور مسافروں کو لے کر سبزی منڈی، وکاس نگر کی طرف جارہی تھی۔ حادثے کے دوران تین افراد ہلاک اور تین زخمی ہوگئے۔ مہلوکین کی لاشوں کو پنچایت نامہ کی کارروائی کرنے کےبعد پوسٹ مارٹم کے لئے مردہ خانہ وکاس نگر روانہ کیا جارہا ہے۔ جبکہ زخمیوں کو طبی علاج کے لیے وکاس نگر بھیجا گیا ہے۔

ترجمان نے بتایا کہ کل سنگھ (60) ولد مدن سنگھ، ساکن کوٹھا ترلی، تحصیل کالسی، رادھا دیوی (35) اہلیہ مکیش، ساکن کوٹا دیماؤ پی ایس کالسی اور کشن سنگھ (50) ولد ہریا، ساکن حادثہ میں کوٹا دیماؤ پی ایس کلسی کی جائے واقع پر ہی موت ہوگئی۔ جبکہ ڈرائیور گجیندر سنگھ، مکیش اور سنترام چوہان زخمی ہوگئے۔

یو این آئی