منگلور : مسجد کے امام کے ساتھ مار پیٹ

کورونا وائرس کے پھیلاو پر قابو پانے کے لئے لاک ڈاون کے نفاذ کا اعلان کیا گیا ہے ۔ جس کے تحت تمام تر سیاسی، سماجی اور مذہبی سرگرمیوں پر بھی پابندی عائد کی گئی ہے۔ مساجد میں بھی پانچ سے زیادہ افراد کے جمع ہونے پر پابندی ہے ۔

شہر منگلور میں کی ایک مسجد میں نماز کی ادائیگی کے لئے سابق رکن اسمبلی حاجی ثروت کریم اپنے ساتیھوں کے ہمراہ پہونچے ۔مسجد کے امام نے انسے کہا کہ موجودہ حالات کے پیش نظر مسجد میں پانچ سے زیادہ افراد کے جمع ہونے پر پابندی ہے ۔

اس کے بعد سابق رکن اسمبلی اور ان کے حمایتیوں نے امام کے ساتھ مار پیٹ کی ۔جس کے بعد امام شدید طور پر زخمی ہوگئے ۔امام صاحب کی تحریر پر پولیس نے حاجی ثروت کریم انصاری اور ان کے 20 ساتیھوں کے خلاف مقدمہ درج کیا ہے ۔

پولیس نے لاک ڈاون کی خلاف ورزی اور مارپیٹ کا معاملہ درج کیا ہے۔