دہلی اسمبلی الیکشن کے نتائج آتے ہی بی جے پی میں مایوسی دیکھی جا رہی ہے۔ اتراکھنڈ کے وزیر اعلیٰ تریویندو سنگھ راوت نے اسمبلی انتخابی نتائج کو عوام کا فیصلہ بتاتے ہوئے کہا کہ 'دہلی میں بانٹی جا رہی اس خیرات سے دیکھنا ہوگا کہ دہلی کا کتنا بھلا ہوگا۔'
غورطلب ہے کہ دہلی اسمبلی الیکشن نتائج میں عام آدمی پارٹی کو واضح اکثریت ملی ہے۔ وہیں بی جے پی دہائی کے اعداد کو چھونے کے لیے بھی جدوجہد کرتی نظر آئی۔ ایسے میں دہلی کے کئی اسمبلی کا دورہ کر چکے اتراکھنڈ کے وزیر اعلیٰ تریویندر راوت نے ان نتائج پر افسوس کا اظہار کیا ہے۔
سی ایم تریویندو رات نے کہا کہ یقینی طور پر دہلی کی عوام کا یہ فیصلہ ہے، جسے تسلیم کرنا ہوگا، لیکن ساتھ ہی انہوں نے یہ بھی کہا کہ جس طرح سے دہلی اسملی الیکشن میں خیرات بانٹی گئی ہے۔ اس سے دیکھنا ہوگا کہ آخر دہلی کی کتنی ترقی ہو پاتی ہے۔
