نینیتال: اتراکھنڈ کے وزیر اعلی پشکر سنگھ دھامی پیر کو ادھم سنگھ نگر اور چمپاوت کا ایک روزہ دورہ کریں گے۔ کاشی پور میں جہاں وہ پردھان منتری آواس یوجنا کے تحت کمزور طبقات کے لیے بنائے جانے والے ہاؤسنگ پروجیکٹ کا سنگ بنیاد رکھیں گے، وہیں چمپاوت میں گھٹوتکچ فیسٹیول میں بھی شرکت کریں گے۔CM Pushkar Dhami to visit Champawat
موصولہ اطلاع کے مطابق وزیر اعلیٰ دہرادون سے روانہ ہوں گے اور صبح 10.50 بجے کاشی پور اسٹیڈیم پہنچیں گے۔ یہاں سے وہ اودے راج ہندو انٹر کالج میں پردھان منتری آواس یوجنا کے تحت کمزور طبقات کے لیے تعمیر کیے جانے والے ہاؤسنگ پروجیکٹوں کا براہ راست سنگ بنیاد رکھیں گے۔ اس کے بعد وہ منشا دیوی مندر میں جلوس کی گولڈن جوبلی تقریبات میں شرکت کریں گے۔
یہ بھی پڑھیں: Pushkar Singh Dhami مقررہ وقت پر کام مکمل ہوں
یہاں سے وزیر اعلیٰ اپنی اسمبلی چمپاوت کے لیے روانہ ہوں گے اور سیدھے سرکٹ ہاؤس پہنچیں گے۔ دوپہر 3.15 بجے چمپاوت کے چوکی گاؤں پہنچ کر گھٹوتکچ میلے میں حصہ لیں گے اور شام کو وہ 4.50 بجے سیدھے دہرادون کے لیے روانہ ہوں گے۔
یواین آئی
