ریاست اتراکھنڈ میں کورونا وائرس کے پیش نظر محکمہ صحت نے ہائی الرٹ جاری کیا ہے، جس پر محکمہ صحت اور انتظامی عہدیدار ریاست میں باہر سے آنے والوں پر خصوصی نگاہ رکھے ہوئے ہیں۔
اتراکھنڈ کے ضلع ادھم سنگھ نگر کے خاتیما رہائشی دپیش کھڑکا جو گوا کے ایک ہوٹل میں کام کرتا ہے، اپنے دوست روسی کنبہ کو اتراکھنڈ گھمانے لایا تھا۔
اس کی اطلاع ملنے پر ایل آئی یو کے اہلکار غیر ملکی اہل خانہ کو پولیس تھانہ خاتیما لائے، جہاں محکمہ صحت نے بھارت آنے والے روسی کنبہ کی کورونا اسکریننگ سمیت دستاویزات کی جانچ کی۔
اس دوران روسی کنبہ کا دوست دیپش کھڑکا نے بتایا کہ وہ اتراکھنڈ گھمانے کے لیے اپنے دوست انتون ماکیپ، اس کی اہلیہ سوپلانا اور ان کے دو بچے منی اور گلڈیم کے ساتھ اتراکھنڈ اپنے گھر پہنچا تھا۔
اس دوران روسی کنبہ اور دیپش کی کورونا وائرس کی جانچ کرنے والے ڈاکٹر منوج پانڈے نے بتایا کہ کورونا وائرس پر کی گئی ابتدائی اسکریننگ میں تمام افراد صحیح پائے گئے ہیں۔ اس وقت ان میں کورونا وائرس کی کوئی علامات نہیں ملی ہے۔
