ریاست اتراکھنڈ کے ضلع اتر کاشی میں برفیلی چٹان کے نیچے دبنے سے ایک مزدور ہلاک ہو گیا۔
گنگوتری ہائی وے پر مسلسل ہو رہے حادثے رکنے کا نام نہیں لے رہے ہیں۔ اسی ضمن میں ہائی وے پر پھر ایک بڑا حادثہ پیش آیا ہے۔
ڈبرانی کے پاس برفیلی چٹان ٹوٹنے سے وہاں گزر رہا ایک مزدور اس کی زد میں آ گیا، جس سے اس کی موت ہو گئی۔
برفیلی چٹان میں دبنے سے مزدور ہلاک
اطلاع ملنے پر موقع پر پہنچی پولیس اور ایس ڈی آر ایف ٹیم نے مزدور کی لاش کو باہر نکال کر پوسٹ مارٹم کے لیے بھیج دیا ہے۔ وہیں مزدور کی شناخت ابھی تک نہیں ہو پائی ہے۔ لاش کو مردہ گھر میں رکھا گیا ہے۔
اس علاقے میں برفباری کے بعد اب برف کے تودے گرنے کے حادثے دیکھنے کو مل رہے ہیں۔
