پہلے معاملے کو دیکھتے ہوئے ضلع انتظامیہ کانپور نے مریض کے رابطے میں آئے ہوئے تمام لوگوں کی ٹیسٹنگ شروع کر دی تھی۔ الگ الگ علاقوں سے 645 لوگوں کے سیمپل لئے گئے تھے، جس میں 109 حاملہ خواتین بھی شامل تھیں۔
کانپور میں زیکا وائرس کا قہر، مریضوں کی تعداد میں اضافہ
واضح رہے کہ زیکا وائرس کی روک تھام کے لئے ضلع انتظامیہ نے ہر طرح کی تدابیر شروع کر دیے ہیں۔ ضلع مجسٹریٹ لوگوں کو گھر گھر جاکر زیکا وائرس سے بچنے کے طریقے بتا رہے ہیں۔
یہ بھی پڑھیں: 'ویکٹر سے پیدا ہونے والی بیماریوں سے قبل احتیاط برتیں'
وہیں اتر پردیش کے وزیر اعلی یوگی آدتیہ ناتھ میڈیکل ٹیم اور ضلع انتظامیہ سے برابر رابطہ میں ہیں اور پل پل کی جانکاری لے رہے ہیں۔ اس وبا سے ریاست کو بچانے کے لئے ہر ممکن کوشش بھی کی جا رہی ہے۔ زیکا وائرس کی ٹیسٹنگ میں بھی تیزی لائی جا رہی ہے۔
