ظفریاب جیلانی دوبارہ ہسپتال میں بھرتی

ظفریاب جیلانی کو گزشتہ ماہ برین ہیمریج ہوا تھا، جس کے بعد انہیں میدانتا ہسپتال میں بھرتی کیا گیا تھا۔

بابری مسجد ایکشن کمیٹی کے کنوینر ظفریاب جیلانی کو دوبارہ لکھنؤ کے میدانتا ہسپتال میں داخل کرایا گیا ہے۔

آل انڈیا مسلم پرسنل لا بورڈ کے سیکرٹری و بابری مسجد ایکشن کمیٹی کے کنوینر ظفریاب جیلانی کو گزشتہ ماہ برین ہیمریج ہوا تھا، جس کے بعد انہیں میدانتا ہسپتال میں بھرتی کیا گیا تھا۔

واضح رہے کہ اندرونی خون زیادہ نکلنے سے ان کی طبیعت تشویش ناک ہو گئی تھی۔ جس کے بعد ظفریاب جیلانی کا آپریشن ہوا تھا، جو پوری طرح کامیاب رہا لیکن آج انہیں دوبارہ ہسپتال میں بھرتی کرایا گیا ہے۔ اطلاعات کے مطابق کل ان کا میدانتا ہسپتال میں آپریشن ہوگا۔