Umesh Pal Murder Case بریلی جیل میں اشرف سے ملاقات کرنے والا نوجوان حراست

پریاگ راج میں امیش پال قتل کیس میں پولیس لگاتار چھاپے مار رہی ہے۔ اس معاملے میں ایس او جی نے پیلی بھیت سے ایک نوجوان کو حراست میں لیا ہے۔

پیلی بھیت: ریاست اترپردیش کے ضلع پیلی بھیت کے ایک نوجوان کو ایس او جی پولیس نے بریلی جیل میں بند مافیا عتیق احمد کے بھائی اشرف سے دو بار ملاقات کرنے پر چھاپوں کے دوران حراست میں لیا ہے۔ فی الحال پولیس اس پورے معاملے پر کچھ بھی بولنے سے انکار کر رہی ہے۔ پریاگ راج میں امیش پال قتل کیس میں عتیق احمد کا کنکشن سامنے آنے کے بعد پولیس معاملے کی گہرائی سے جانچ کررہی ہے۔ اس پورے معاملے میں بریلی جیل میں بند اشرف سے متعلق کئی انکشافات سامنے آئے ہیں، جس میں پولیس والوں سمیت کئی ایسے لوگ سامنے آئے ہیں جو غیر قانونی طور پر جیل میں بند اشرف سے ملاقات کرتے تھے۔ اس پورے معاملے میں پولیس نے دو کانسٹیبل سمیت نو افراد کو گرفتار کرکے جیل بھیج دیا گیا۔

ذرائع کے مطابق بریلی ایس او جی پیر کو پیلی بھیت پہنچی اور پیلی بھیت کے علاقے فیل خانہ سے ایک نوجوان کو حراست میں لیا۔ جس نے بریلی جیل میں بند عتیق احمد کے بھائی اشفاق سے دو بار ملاقات کی تھی۔ پولیس نوجوان سے پوچھ گچھ کر رہی ہے۔ فی الحال کوئی بھی افسر اس پورے معاملے پر کچھ کہنے کو تیار نہیں ہے۔لوگوں کا کہنا ہے کہ نوجوان اکثر باہر رہتا تھا، کچھ دن پہلے وہ سعودی سے پیلی بھیت آیا تھا۔