مظاہرین کا الزام ہے کہ الیکشن کمیشن کی جانب سے کیے گئے دعوے جھوٹے ہیں انہوں نے کہا کہ الیکشن کمیشن نے جو دعوی کیا تھا کہ ای وی ایم مشین کو ہیک نہیں کیا جاسکتا یا غلط ووٹنگ نہیں کی جاسکتی یہ تمام چیزیں بے بنیاد ہیں۔
مظاہرین کا اس تعلق سے یہ کہنا ہے کہ اس کی تازہ مثال یہ ہے کہ ابھی چوتھے مرحلے میں جو پولنگ ہوئی اس میں کانپور کے تقریبا 300 پولنگ مراکز پر ای وی ایم مشین خراب رہی اور کئی جگہ جانبدارانہ ووٹنگ ہوئی ہے۔
مظاہرین نے نعرہ بازی کرتے ہوئے کہا کہ 'ای وی ایم ہٹاؤ دیش بچاؤ' انہوں نے یہ بھی الزام لگایا کہ ای وی ایم کی وجہ سے ملک کا آئین خطرے میں ہے۔
مظاہرین کا مطالبہ تھا کہ بیلٹ پیپر سے انتخاب منعقد کرایا جائے کیونکہ ای وی ایم کے ذریعے جانبدارانہ پولنگ ہورہی ہے۔
واضح رہے کہ بھارتی الیکشن کمیشن نے کئی بار یہ دعوی کیا ہے کہ ای وی ایم مشین میں کسی طریقے کی گڑبڑی کی کوئی گنجائش نہیں ہے، اس کے باوجود سیاسی جماعتوں کی جانب سے اس پر مسلسل سوال اٹھائے جارہے ہیں۔
