ورکشاپ میں ٹیچرز کو بتایا گیا کہ وہ کیسے بچوں کو سائنسداں بنانے کے لئے تیار کریں۔
بارہ بنکی کے آنند وہار انٹر کالج میں ہوئی اس ورکشاپ میں ضلع سے تقریبا 100 ٹیچرز نے شرکت کی اور انہیں این سی ایس سی کے اکیڈمک کوآرڈینیٹرز نے تربیت دی۔
ٹیچرز کو بتایا گیا کہ وہ کس طرح سائنس کانگریس کے لیے بچوں کو تیار کریں جس سے بچوں میں سائنس کے تئیں دلچسپی پیدا ہو اور وہ نئی نئی چیزوں پر غور کرسکیں۔ اور نئی نئی اختراعات کے طرف متوجہ ہوں۔
27ویں قومی اطفال سائنس کانگریس کا موضوع 'ہریالی اور صحت مند ملک' ہے۔ اس کے لیے سائنس، تکنیک اور انوویشن ہے نیز اس کا مقصد یہ ہے کہ بچوں کو ایسے موضوع پر پروجیکٹ تیار کرائے جائیں جس سے ماحولیات کے تحفظ کے ساتھ نئی نئی تکنیک کے استعمال کو تلاش کیا جاسکے اور بچے مستقبل میں بڑے سائنٹسٹ بن سکیں۔
اطفال سائنس کانگریس میں ایک اسکول سے دو دو طلبا کا انتخاب ہوگا اور یہاں سے تربیت حاصل کرنے والے ٹیچرز ان بچوں سے اس موضوع پر پروجیکٹس تیار کرائیں گے۔
