ریاست اترپردیش کے ضلع بارہ بنکی میں پریس انفارمیشن بیورو کی جانب سے کیے گئے ورکشاپ میں دیہی علاقوں کے صحافیوں نے شرکت کی۔ انہیں پی آئی بی کے افسران نے بدلتے دور میں صحافت کرنے کی ترکیب بتائی۔ ورکشاپ میں صحافیوں کے مسائل بھی سنے گئے، ساتھ ہی صحافیوں کے لیے چلائی جانے والی اسکیم کے بارے میں بھی بتایا گیا۔
بارہ بنکی میں دیہی علاقوں کے صحافیوں کے لیے ورکشاپ
شہر کے ضلع پنچایت کے آڈیٹوریم میں ہوئے اس ورکشاپ میں دیہی علاقوں کے صحافیوں نے بڑھ چڑھ کر حصہ لیا۔ ورکشاپ میں انتظامیہ کے تمام بڑے افسران نے بھی شرکت کی۔
پی آئی بی کے افسران نے صحافیوں کو متعدد ضروری مشورے دیے۔ ورکشاپ میں شرکت کر رہے صحافیوں نے اس کی مزید ستائش کی اور ورکشاپ کو اپنے لیے کافی مثبت قرار دیا۔
اس ورکشاپ میں شرکت کر رہے صحافیوں نے کہا کہ اس ورکشاپ سے انہیں دیہی علاقوں میں کوریج کے دوران کافی فائدہ ہوگا۔
