یوپی خواتین کمیشن کی رکن کومود شریواستو نے دعویٰ کیا ہے خواتین استحصال کے گراف میں کمی آ رہی ہے۔ اس کی وجہ خواتین کا اپنے حقوق کے تئیں بیدار ہونا ہے۔
انہوں نے کہا کہ اس وقت جن خواتین کےساتھ استحصال کے معاملے پیش آ رہے ہیں۔ اس کی اصل وجہ معاشی صورتحال ہے۔
اترپردیش کے بارہ بنکی میں عوامی سماعت کےلیے آئیں کومود شریواستو نے بتایا کہ خواتین بیداری کے ساتھ حکومت کی کوششوں کی وجہ سے استحصال کا گراف کم ہوا ہے۔ انہوں کہا کہ پولیس بھی خواتین کے معاملوں میں سخت کاروائی کر رہی ہے۔
یہ بھی پڑھیں:عام آدمی پارٹی سماج کے ہر طبقہ کے ساتھ کھڑی ہے: بھورے حسین
کچھ معاملات جو سامنے آتے ہیں ان میں کہیں نہ کہیں متاثرہ پولیس کے سامنے اپنی بات ٹھیک سے پیش نہیں کر پاتی ہیں۔ انہوں نے بتایا کہ خواتین کو انصاف دلانے کے لئے ریاستی خواتین کمیشن کی جانب سے ہاٹ لائن نمبر کی شروعات کی گئی ہے۔ جس پر کال کر کے خواتین اپنی شکایت درج کرا سکتی ہیں۔
انہوں نے بتایا کہ اس ہیلپ لائین نمبر کے نتائج مثبت ہیں۔ خواتین اس پر فون کر رہی ہیں اور کمیشن ان کے مسائل کو حل کرا رہا ہے۔ انہوں نے کہا کمیشن خواتین کو بیدار کرکے انہیں بہ اختیار بنانے میں لگا ہوا ہے۔
