بارہ بنکی : بیٹیوں کو با اختیاری بنانے کے ٹپس

ریاست اترپردیش کے ضلع بارہ بنکی کے الیتی اسکول عظیم الدین اشرف اسلامیہ انٹر کالج میں مشن شکتی پروگرام کے تحت بیداری پروگرام منعقد کیا گیا۔

ضلع بارہ بنکی میں مشن شکتی کے تحت بیٹیوں کو بیدار اور بااختیار بنانے کے لئے گزشتہ 17 اکتوبر سے مختلف پروگرامز منعقد کرائے جا رہے ہیں۔ اسی ترتیب میں بدھ کے روز شہر کے الیتی اسکول عظیم الدین اشرف اسلامیہ انٹر کالج کی طلبہ کے ساتھ خصوصی مباحثہ کا پروگرام منعقد کیا گیا۔ جس میں نہ صرف طلبہ کو بیدار کیا گیا بلکہ ان کے تمام شبہات کا حل بھی بتایا گیا۔

مشن شکتی کے تحت منعقد اس پروگرام میں تمام افسران، اسکول کے ٹیچرس اور یونیسیف کی کاؤنسلر ثبا فاطمہ نے شرکت کی۔ اس موقع پر تمام مقررین نے پہلے طلبہ کو خواتین با اختیاری کے تمام ٹپس بتائے۔ اس کے علاوہ انہیں تحفظ کے موضوع پر بیدار کیا گیا۔ اس کے بعد طلبہ کو اپنی بات رکھنے اور سوالات پوچھنے کا موقع دیاگیا، جس میں طلبہ نے تمام ضروری سوالات کئے۔ طلبہ کے تمام تجسس کو وہاں موجود تمام مقررین نے جواب دیکر ختم کیا گیا۔

اس موقع پر تمام طلبہ کو حکومت کی جانب سے ان کے لئے چلائی جا رہی اسکیمات کے بارے میں بتایا گیا۔ ساتھ ہی انہیں ان کے تحفظ کے لئے بنائی گئی تمام ہاٹ لائن کے بارے میں بتایا گیا کہ ان کا کب اور کیسے استعمال کر خود کو محفوظ رکھا جا سکتا ہے۔