قومی کمیشن برائے خواتین نے ایک بیان میں کہا کہ ایسے واقعات معاشرہ میں خواتین کی سنگین حالات کی عکاسی کرتے ہیں۔ کمیشن نے متاثرہ لڑکی کی آدھی رات کے وقت والدین کی اجازت کے بغیر آخری رسومات انجام دینے سے متعلق رپورٹس پر اظہار افسوس کیا۔
ہاتھرس اجتماعی جنسی زیادتی معاملہ میں پولیس کے رویہ پر سوال اٹھاتے ہوئے اسٹیٹ ویمن کمیشن نے ڈی جی پی ہتیش چندر اوستھی، آگرہ زون کے اے ڈی جی اور آئی جی آگرہ کو نوٹس جاری کیا ہے۔
اترپردیش ویمن کمیشن نے ہاتھرس معاملہ میں پولیس کاروائی پر سوال اٹھاتے ہوئے پولیس رویہ پر عدم اطمینان کا اظہار کیا ہے۔
کمیشن نے ہاتھرس معاملہ میں قصوروار پولیس اہلکاروں کے خلاف سخت کاروائی کرنے کی سفارش کی ہے۔ کمیشن کی ڈپٹی چیرمین سشما سنگھ نے لڑکی کو زیادتی کا نشانہ بناتے ہوئے موت کے گھاٹ اتارنے کے معاملہ میں پولیس نے وقت رہتے کاروائی نہیں کی اور نہ ہی صحیح سیکشن کے تحت مقدمہ درج کیا گیا۔ انہوں نے کہا کہ دلت لڑکی کی شناخت کو چھپایا نہیں گیا، آخری رسومات خاندان کی اجازت کے بغیر ادا کئے گئے اور معاملہ میں انتہائی سست انداز میں کاروائی کی گئی۔
کمیشن نے اس کیس کے سلسلہ میں کوتاہی برتنے والے والے پولیس اہلکاروں کے خلاف سخت کاروائی کرنے کی سفارش کی ہے اور اس سلسلہ میں اعلیٰ عہدیداروں کو نوٹس جاری کیا گیا۔
