رامپور میں خواتین و طلبہ کا احتجاج

شہریت ترمیمی قانون کے خلاف ریاست اترپردیش کے شہر رامپور میں خواتین، طلبا و طالبات نے احتجاجی مظاہرہ کیا اور جامعہ ملیہ اسلامیہ کے طلبا کی حمایت میں نعرے بازی کی۔

شہریت ترمیمی قانون کے خلاف رامپور میں جہاں ہزاروں کی تعداد میں لوگوں نے جمع ہو کر مرکزی حکومت کے خلاف احتجاجی مظاہرہ کیا، وہیں خواتین اور طالبات نے بھی مظاہرے میں شریک ہو کر مرکزی حکومت کے خلاف اپنے غم و غصہ کا اظہار کیا۔

اس موقع پر مظاہرین نے دہلی میں جامعہ ملیہ اسلامیہ کے طلبہ پر پولیس کی بربریت کی پرزور مذمت کی گئی۔

مظاہرین نے 'دہلی پولیس ہائے ہائے' اور 'شہریت ترمیمی قانون واپس لو' کے نعرے بازی کی۔اس موقع پر مقررین نے کہا کہ کسی بھی جمہوری ملک میں اس قسم کے قانون کو نافذ کرنا بالکل غلط ہے، یہی وجہ ہے کہ ہم لوگ ملک کی آئین کو بچانے کے لیے سڑکوں پر آنے پر مجبور ہوئے ہیں۔