ریاست اترپردیش کے رامپور میں خاتون پر چاقو سے حملہ کر کے قتل کا سنسنی خیز معاملہ سامنے آیا ہے۔ دراصل رامپور کے شہزاد نگر تھانہ علاقے کے نوگواں دبکا گاؤں کی رہنے والی 35 سالہ شِوانی گذشتہ رات گھر میں اکیلی تھی۔ شوانی کے بچے کی طبیعت خراب تھی جس کی وجہ سے اس کا شوہر سنیل کمار علاج کرانے کے لئے علی گڑھ گیا ہوا تھا۔
اسی دوران چمرپورا گاؤں کا رہنے والا شیوانی کا پھوپھی زاد بھائی پروندر نے گھر کا دروازہ کھٹکھٹا کر شوانی کو گھر سے باہر بلایا۔ وہ جب گھر کے باہر آئی تو پروندر نے اس پر چاقو سے حملہ کر دیا جس سے شوانی بری طرح زخمی ہو گئی اور ملزم واردات کو انجام دیکر فرار ہو گیا۔
یہ بھی پڑھیں: Hyderpora Encounter: 'ہمارے رشتہ داروں کی لاشیں واپس کرو'
وہیں شیوانی کی آواز سن کر مقامی لوگ موقع پر پہنچ گئے۔ لوگوں نے شوانی کو علاج کے لئے ضلع ہسپتال پہنچایا۔ ضلع ہسپتال کے ڈاکٹرز نے متاثرہ کو بریلی ریفر کر دیا۔ بریلی لے جاتے وقت شیوانی کی موت ہو گئی۔ پولیس نے لاش کو قبضہ میں لیکر پوسٹمارٹم کے لئے بھیج دیا ہے۔ پولیس نے ملزم کو گرفتار کر لیا ہے۔
