نوئیڈا: نوئیڈا کے سیکٹر 126کے ایک سوسائٹی میں ایک خاتون کی جانب سے سوسائٹی کے سکیورٹی گارڈ کے ساتھ بدتمیزی، مارپیٹ اور گالی گلوچ کی گئی، موقع پر موجود لوگوں نے ویڈیو بناکر سوشل میڈیا پر وائرل کردیا، سکیورٹی گارڈ کی جانب سے دی گئی تحریر کے مطابق پولیس نے خاتون کے خلاف مقدمہ درج کرکے کارروائی کی بات کہی ہے، بتایا جارہا ہے کہ خاتون سپریم کورٹ میں وکیل ہے، اور پولیس نے اس خاتون کو حراست میں لے لیا ہے۔ woman misbehaved with security guards
نوئیڈا کے تھانا سیکٹر 126 کے جے پی گرین وش ٹاؤن سوسائٹی میں ہفتہ کے روز شام میں ایک خاتون نے سو سائٹی کے گارڈ سے انٹری کو لے کر بحث شروع کردی اور پھر گارڈ کے ساتھ بدسلوکی بھی کی، سکیورٹی گارڈز نے جب اس کی مخالفت کی تو خاتون نے گارڈ کو گالیاں دینے لگیں، جس کا ویڈیو وائرل ہورہا ہے۔ woman misbehaved with security guards in noida
وہیں، دہلی خواتین کونسل کی صدر سواتی مالیوال نے اس واقعہ کی سخت مذمت کی ہے۔ انہوں نے وائرل ویڈیو کو ٹویٹ کرتے ہوئے خاتون کے خلاف سخت کارروائی کا مطالبہ کی ہے۔ نوئیڈا کے ڈی سی پی ہریش چندر نے بتایا کہ گارڈ انوپے کمار نے خاتون کے خلاف مقدمہ درج کرایا ہے، اسی بنیاد پر خاتون کے خلاف کارروائی کی جائے گی، بتایا جارہا ہے کہ جس خاتون کا ویڈیو وائرل ہوا ہے، وہ سوسائٹی میں کرائے پر رہتی ہے۔ بتادیں کہ کچھ دنوں قبل نوئیڈا کے سیکٹر 93 بی میں واقع اومیکس سوسائٹی میں شری کانت تیاگی نے ایک خاتون کے ساتھ بدتمیزی کی تھی، جس کے بعد اسے مرادآباد سے گرفتار کیا گیا تھا۔
یہ بھی پڑھیں: Pankhuri Pathak On Shrikant Tyagi: شریکانت تیاگی بی جے پی اور پولیس کے تحفظ میں فرار ہوا، پنکھوڑی پاٹھک
