ابھی کورونا سے نکل بھی نہیں پائے تھے کہ اب گوتم بودھ نگر نوئیڈا میں بلیک فنگس کے معاملات تیزی سے بڑھ رہے ہیں۔ اس کے بعد گوتم بودھ نگر محکمہ صحت نے نوئیڈا کے سیکٹر 30 میں واقع ڈسٹرکٹ ہسپتال میں بلیک فنگس کے علاج کے لئے ایک کلینک کی شروعات کی ہے۔
کلینک میں ابھی تک بلیک فنگس کا کوئی بھی معاملہ سامنے نہیں آیا ہے۔ لیکن نوئیڈا اور گریٹر نوئیڈا میں بلیک فنگس کے 10 کیس رپورٹ ہوئے ہیں۔ جن میں سے کچھ کی موت بھی ہوگئی ہے۔ اس کے بعد گوتم بودھ نگر ہیلتھ ڈپارٹمنٹ نے یہ فیصلہ لیا ہے۔
گوتم بودھ نگر کے ایک ہیلتھ آفیسر کے مطابق ضلع میں بلیک فنگس کے بہت سے معاملے سامنے آئے ہیں۔ اس کے بعد بلیک فنگس کے علاج کے لئے نوئیڈا کے ضلع ہسپتال میں کلینک شروع کر دی گئی ہے۔ انہوں نے بتایا کہ اس کلینک میں 3 ڈاکٹروں کو تعینات کیا گیا ہے۔ جو بلیک فنگس کے مریضوں کا علاج کریں گے۔
بتایا جارہا ہے کہ اس وائرس کا شکار زیادہ تر وہ لوگ ہیں۔ وہ جو کورونا کے شکار تھے۔میوکورمی کوسس نامی مولڈس کے ایک گروپ کی وجہ سے بلیک فنگس ہوتا ہے، جو پورے قدرتی ماحول میں پائے جاتے ہیں۔ یہ اکثر ہڈیوں، پھیپھڑوں، جلد اور دماغ کو متاثر کرتا ہے۔
یہ بنیادی طور پر ان لوگوں کو متاثر کرتا ہے جو دوسری بیماریوں کے لئے دوائیں لے رہے ہیں۔ خاص طور پر ذیا بیطس ماحولیاتی پیتھو جینز سے لڑنے کی صلاحیت کو کم کرتا ہے۔ اس سے متاثرہ افراد کے سائنس یا پھیپھڑوں کے اندر فنگل اسپرم منتقل ہو جاتے ہیں۔ اس کی علامات میں، بخار، سر درد،کھانسی، سانس پھولنا، خون کی الٹی اور بدلی ہوئی ذہنی کیفیت شامل ہیں۔
