اٹاوہ: پرگتی شیل سماج وادی پارٹی (لوہیا) کے سربراہ شیوپال سنگھ یادو نے انتباہی انداز میں کہا ہے کہ ہم نے سماج وادی پارٹی(ایس پی)کے ساتھ اتحاد کی ساری کوششیں کیں لیکن ابھی تک اکھلیش کی جانب سے کوئی جواب نہیں آیا ہے۔ اگر 11اکتوبر تک ان کا جواب نہیں آتا ہے تو اسمبلی کی سبھی 403سیٹوں پر ان کی پارٹی اپنے امیدوار اتارے گی۔
شیوپال یادو نے آج یہاں میڈیا نمائندوں سے بات چیت میں کہا کہ 11 اکتوبر تک اتحاد کے ضمن میں اکھلیش یادو کے ردعمل کا انتظار کریں گے اور اگر ان کو کوئی جواب نہیں آتا ہے تو اگلے دن 12 اکتوبر سے وہ اپنی سماجک پریورتن یاترا متھرا کے ورنداون سے شروع کریں گے۔
انہوں نے کہا کہ سال 2022 میں اترپریش اسمبلی انتخابات ہونے ہیں۔ جس میں اب چھ مہینے سے بھی کم وقت بچا ہے۔ ایسے میں سبھی سیاسی پارٹیاں زور وشور سے انتخابات کی تیاریوں میں مصروف ہیں۔ انہوں نے کہا کہ اسمبلی انتخاب میں ایس پی کے ساتھ مل الیکشن لڑنا ہماری اولین ترجیح ہے۔
سابق وزیر نے کہا کہ سماج وادی پارتی کے ساتھ اتحاد کے لئے ساری کوششیں کی ہیں۔ اب انتظار پارٹی کے لیڈر اکھلیش یادو کے جواب کا ہے۔ سماج وادی پارٹی سے اتحاد کے لئے ہماری پارٹی انتظار کررہی ہے۔ اگر ایس پی کی جانب سے کوئی جواب نہیں ملتا ہے تو ہماری پارٹی اترپردیش کی 403سیٹیوں پر اپنے امیدوار اتارے گی۔
شیوپال یادو نے کہا کہ 12اکتوبر سے ورنداون سے پی ایس پی کی سماجک پریورتن یاترا شروع ہوگی۔ انہوں نے دعوی کرتے ہوئے کہا کہ ان کی پارٹی اٹاوہ جسونت نگر اور بھرتھنا کی تینوں سیٹوں کے ساتھ ساتھ اوریا کی بھی تینوں سیٹیوں پر جیت درج کرے گی۔ ضلع پنچایت کے الیکن پر کہا کہ بھتیجے انشل یادو اور ہم ایک ہوگئے تو انشل یادو بلامقابلہ صدر منتخب ہوئے۔
مزید پڑھیں:
انہوں نے کہا کہ پی ایس پی کی حکومت بننے پر ہر ایک گھر میں ایک بیٹا اور ایک بیٹی کو سرکاری نوکری دی جائے گی۔
یواین آئی
