یوپی اسمبلی انتخابات 2022 UP Assembly Electionکی شروعات مغربی اتر پردیش Western Uttar Pradesh سے 10 فروری کو ہونے جارہی ہے۔ پہلے مرحلے کی ووٹنگ کے لیے پرچہ نامزدگی Nomination for Voting کا عمل تیزی سے جاری ہے۔ اسی کے تحت میرٹھ کی مختلف سیاسی جماعتوں کے امیدواروں نے اپنے اپنے حلقے سے نامزدگی کر الیکشن میں کامیابی حاصل کرنے کی بات کہی۔
پرچہ داخل کرنے والوں میں، سردھنہ اسمبلی سیٹ سے سماجوادی پارٹی کے امیدوار اتل پردھان نے میڈیا سے کہا کہ بی جے پریوار کو توڑ نے کا کام کر رہی ہے، جس طرح سے آج ملائم سنگھ کے پریوار کی بہو کو بی جے پی شامل کیا ہے وہ ان کی نیت کو صاف بتاتا ہے۔
وہیں ہستنا پور نسشت سے سماجوادی پارٹی کے یوگیش ورما نے کہا کہ وہ ہسنا پور کو دروپدی کے شراپ سے آزاد کرائیں گے، ساتھ ہی اپنی جیت سے وہ یوپی میں ایک بار پھر سے سماجوادی پارٹی کی حکومت بنانے کا کام کریں گے۔ پرچہ داخل کرنے والوں میں، شاہد منظور، کٹھور اسمبلی نسشت سے، بی جے پی کے دنیش کھٹیک ہسنا پور سے۔ سوال خاس سے بی جے پی کے منندر پال سنگھ، سوال سے بی ایس پی کے ننہے میاں، میرٹھ جنوب سے عاپ کے امیدوار اوم دت تیاگی میرٹھ کینٹ سیٹ سے بی ایس پی کے امت شرما و شہر سیٹ سے بی جے پی کے کمل دت شرما نے اپنی اپنی جیت کے دعوے کے ساتھ پرچہ داخل کرایا۔
میرٹھ میں جس طرح سے مختلف سیاسی پارٹیوں کے امیدواروں نے پرچہ داخل کرتے وقت اپنی جیت کی دعوی داری پیش کی اس میں ایک بات جو سب سے اہم رہی ان سبھی نے اپنے ایجنڈے میں ترقیاتی کاموں پر زیادہ زور دینے کی بات کہی، کسی بھی پارٹی کے امیدواروں نے صوبے میں قومی ایکتا بھائی چارہ کو قائم رکھنے کی بات نہیں کہی جو بے حد افسوسناک ہے، اگر ایسا ہی رہا تو وہ دن دور نہیں کہ جب صوبہ کے امن وامان کو ایک بار پھر بڑا خطرہ اٹھانا پڑسکتا ہے، ان رہنماؤں کو صوبے کی گنگا جمنی تہذیب کو بھی بنائے رکھنے کی سمت کام کرنے کی ضرورت ہے اسی وقت صوبے میں ایک اچھا اور صاف ستھرا ماحول بنایا جاسکتا ہے۔
