عالمی شہرت یافتہ شاعر اور سماجوادی پارٹی کے ایم ایل سی پروفیسر وسیم بریلوی کی بطور ایم ایل سی چھ سالہ مدّت 28 اپریل بروز جمعرات کو مکمل ہو گئی تھی۔ اُنہوں نے اپنی بدائی سے قبل تعلیم کے میدان میں اپنا ایم ایل سی فنڈ طلباء کے لیے وقف کر دیا ہے۔ اُنہوں نے اپنے فنڈ سے 100 کونسل یعنی سرکاری اسکولوں میں اوپن جم تیار کرانے کے تقریباً ڈھائی کروڑ روپے مختص کیا ہے۔Wasim Barelvi Decides to Spend MLC Fund in Education
پروفیسر وسیم بریلوی کو کونسل اسکولوں اور ثانوی کالجوں میں کمپیوٹر لیب اور سائنس لیب قائم کرنے کا مشورہ چیف ڈولپمنٹ آفیسر سی ڈی او چندر موہن گرگ نے دیا تھا۔ پورفیسر وسیم بریلوی کو اُنکا یہ مشورہ کافی پسند آیا تو اپنے ایم ایل سی فنڈ سے تقریباً ڈھائی کروڑ روپے مختص کر دیا۔ ایم ایل سی پروفیسر وسیم بریلوی کے فنڈ میں یہی آخری رقم باقی تھی۔ وہ چاہتے تھے کہ اس رقم کا مثبت استعمال ہو۔ لہزا، سی ڈی او نے اُنہیوں بنیادی اور ثانوی اسکولوں میں اوپن جم اور کمپیوٹر و سائنس لیب بنانے کی تجویز دی۔ پروفیسر وسیم بریلوی کے ذریعے مختص فنڈ سے ایک اوپن جم پر تقریباً ایک لاکھ چالیس ہزار روپیہ خرچ ہوں گے، جبکہ ایک کمپیوٹر لیب پر ڈھائی لاکھ روپیہ خرچ ہوں گے۔ بہرحال عالمی شہرت یافتہ مشہور و معروف شاعر پروفیسر وسیم بریلوی نے اپنے آخری فنڈ سے طلباء و طالبات کو ایک بہترین تحفہ دیا ہے۔
