کانپورمیں تشدد،ایک شخص ہلاک متعدد زخمی

اترپردیش کے ضلع کانپور میں پانی کے پاؤچ سے نکلی چھیںٹ فرقہ وارانہ تشدد کی وجہ بنی۔ اس تشدد میں کئی لوگ زخمی ہوئے۔ جس میں ایک شخص کی موت ہوگئی۔

اترپردیش کے کانپور کے چکیری علاقے کے واجد پور میں زمین پر پڑے پانی کے پاؤچ پر پیر پڑ جانے سے پانی کی نکلی چھیںٹ تشدد کی وجہ بن گئی۔ اس کو لیکر دو افراد میں پہلے بحث ہوئی پھر دیکھتے ہی دیکھتے دو فرقے کے لوگ آمنے سامنے آ گئے اور دونوں میں جم کر پتھر چلنے لگے جس کی وجہ سے کئی لوگ شدید طور پر زخمی ہوگئے۔ انہیں زخمیوں میں سے ایک پینٹو نام کے شخص کی دوران علاج موت ہوگئی۔

اس واقعے کے بعدعلاقے میں کشیدگی کا ماحول ہے۔ موقع پر پہنچی پولیس نے کئی لوگوں کو گرفتار کیا ہے۔تاہم علاقے میں بھاری پولیس فورس تعینات کیے جانے کے بعد سے حالات قابو میں ہے۔ اس تشدد میں ملوث تمام لوگوں کے بارے میں پولیس تحقیق کر رہی ہے۔ اور انہیں گرفتار کررہی ہے۔