بہرائچ کے کترنیاگھاٹ جنگل سے متصل سوجولی کی حدود میں واقع گاؤں ایودھیا پوروا میں گھر کے قریب اپنے دھان کے کھیت میں کام کر رہی ستانا بنت روشن خان پر اچانک ایک تیندوے نے حملہ کردیا، تبھی ستانا نے شور مچایا اور تیندوے سے خود کو بچانے کے لیے مقابلہ کرتی رہی۔
تبھی ستانا کی آواز سن کر گاؤں کے لوگ لاٹھی ڈنڈے لے کر تیندوے کی جانب دوڑے اور ستانا کو تیندوے سے بچا لیا۔
تیندوے کے حملے میں ستانا کو کافی چوٹیں آئی ہیں، گاؤں والوں کے ڈر سے تیندوا بھاگا اور گاؤں کے شمشل کے گھر میں داخل ہو گیا جہاں لوگوں نے فوراً دروازہ بند کر کے اسے قید کر لیا اور محکمہ جنگلات کو اس کی اطلاع دی گئی۔
گاؤں والوں کا کہنا ہے کہ اطلاع کے تقریباً دو گھنٹے بعد محکمہ جنگلات کے ملازمین موقع پر پہنچے، جس کے بعد ریسکیو آپریشن کر اسے پنجرے میں بند کیا گیا۔
وہیں دوسری جانب کترنیاگھاٹ جنگل علاقے کے ایک رہائشی کالونی میں ایک خونخوار تیندوا رات کے اندھیرے میں گھومتا ہوا دکھائی دیا، تھانہ سجولی کے انچارج داروغہ ہیمنت گور اپنے روزانہ کے روٹین کے تحت رات کو گشت پر تھے اور تقریباً دو بجے گرجا پوری کالونی سے گرز رہے تھے کہ اچانک کالونی کی سڑک پر ایک جونخوار تیندوا گھومتا ہوا نظر آیا جسے دیکھ داروغہ نے فوراً اسے اپنے موبائل کیمرے میں قید کر لیا۔
