ریاست اترپردیش کے ضلع بجنور کے نیہٹھور تھانہ علاقہ کے گاؤں ہرگن پور میں ایک شخص کے گھر پر عیسائی مشنری ستسنگ پروگرام کے انعقاد کیا گیا۔ جس میں عیسائی مذہب کے لوگوں کی جانب سے گاؤں کے ایک شخص کو مذہب تبدیل کرانے کی بات سامنے آئی ہے۔
اطلاعات کے مطابق گاؤں ہرگن پور میں 17 جنوری کو ایک شخص کے گھر میں مشنری ستسنگ پروگرام کا اہتمام کیا گیا جس میں گاؤں کے ایک شخص نے اپنا مذہب تبدیل کرلیا۔
اس واقعے کے بعد گاؤں والوں نے مذہب تبدیل کرنے والے شخص کے خلاف پنچایت کرکے ہکا پانی بند کردیا۔ حالانکہ جب اس واقعے سے متعلق گاؤں والوں سے بات کی گئی تو انہوں نے بتایا کہ ایک شخص نے مذہب تبدیل کیا ہے۔ لیکن اس کے خلاف کسی طرح کی پنچایت یا ہکا پانی بند کا معاملہ محض افواہ ہے۔
وہیں اس معاملے کو لے کر جب نہٹور تھانہ کے انچارج سنجے شرما سے گفتگو کی گئی تو انہوں نے اس معاملے کی جانکاری سے انکار کرتے ہوئے کہا کہ معاملے کی تحقیقات کی جارہی ہے، سچائی سامنے آنے پر کاروائی کی جائے گی۔
