ڈھائی سال سے سیتاپور جیل میں قید سماجوادی پارٹی کے رامپور سے نومنتخب رکن اسمبلی اعظم خاں لکھنؤ پہنچ کر اسمبلی کی رکنیت کا حلف نہیں لے سکیں گے۔ عدالت نے اعظم خاں کو حلف برداری کے لئے جانے کی اجازت نہیں دی۔ اس متعلق معروف سماجی کارکن اور سماجوادی پارٹی کے مقامی رہنما وکی راج ایڈووکیٹ نے اپنے سخت ردعمل کا اظہار کرتے ہوئے کہا کہ جمہوریت کے ذریعہ عوام کے ووٹوں سے 10 ویں مرتبہ فتحیاب ہوکر رکن اسمبلی بننے والے اعظم خاں کو حلف لینے سے روکنا بالکل غلط ہے۔ Vicky Raj On Azam Khan's Oath Issue
انہوں نے کہا کہ ماضی کی متعدد مثالیں ایسی ملتی ہیں، جس میں سیاسی رہنماؤں نے جیل میں قید ہونے کے باوجود رکنیت کا حلف لیا ہے۔ انہوں نے ریاست کی یوگی حکومت کو اپنی سخت تنقیدوں کا نشانہ بناتے ہوئے کہا کہ ابھی حکمراں جماعت کا کوئی نمائندہ اگر جیل میں ہوتا تو آپ دیکھتے کہ ان کی حلف برداری ہوتی۔ وکی راج ایڈووکیٹ نے کہا کہ اعظم خاں کو تو پھنسایا ہی سیاسی رنجشوں کے تحت ہے۔ انہوں نے کہا کہ بی جے پی حکومت اعظم خاں کا ہر طرح سے استحصال کر رہی ہے۔ انہوں نے کہا کہ ہونا تو یہ چاہئے تھا کہ ودھان سبھا صدر خود اپنا دل بڑا کرکے وزیر اعلیٰ کی حلف برداری تقریب میں اعظم خاں کو مدعو کرتے، جس سے یہ پیغام جاتا کہ آج ودھان سبھا صدر نے اعظم خاں کو حلف برداری تقریب میں مدعو کیا۔ Vicky Raj On Azam Khan's Oath Issue
