ایودھیا میں پانچ اگست کو رام مندر بھومی پوجن اور سنگ بنیاد کی تقریب کے پیش نظر سکیورٹی کو دھیان میں رکھتے ہوئے ایودھیا کی جانب آنے جانے والی گاڑیوں کی آمدورفت پر منگل کی دوپہر سے پابندی لگادی گئی ہے۔
سپرنٹنڈنٹ آف پولیس ہیمراج مینا نے کہا کہ ایودھیا میں پانچ اگست کو وزیر اعظم نریندر مودی رام مندر سنگ بنیاد اور بھومی پوجن پروگرام میں شرکت کریں گے۔ سکیورٹی کے پیش نظر ایودھیا کی جانب سے آنے جانے والی سبھی گاڑیوں کی آمدورفت پر پابندی عائد کردی گئی ہے۔
انہوں نے کہا کہ گورکھپور کی جانب سے لکھنؤ کو جانے والی گاڑیوں کو خلیل آباد سے بکرا کی جانب ڈائیورٹ کردیا جائے گا اس شاہراہ سے ڈومریا گنج، اترولہ گونڈہ، بارہ بنکی ہوتے ہوئے لوگ لکھنؤ جاسکیں گے۔
سنت کیبر نگر سے لکھنؤ کی جانب جانے والی گاڑیوں کو بستی کے بڑے بن تراہے سے اترولہ گونڈہ بارہ بنکی ہوکر لکھنؤ کی جانب بھیجا جائےگا۔
بستی کی جانب سے لکھنؤ جانے والی گاڑیوں کو بستی کی سرحد سے سلطان پور لکڑ منڈی کٹرا چوراہا نواب گنج گوندہ بارہ بنکی ہوکر لکھنؤ بھیجا جائےگا۔
بستی سے امبیڈکر نگر، سلطان پور جانے والی گاڑیوں کو بستی کے پھوٹوہیا چوراہے سے کلواری ٹھنڈا ہوکر جانے کی اجازت دی گئی ہے۔
