لکھنؤ: خواجہ معین الدین چشتی لینگویج یونیورسٹی کا یوم تاسیس کے موقع پر ہر سال ثقافتی اتسو، کوجیک ( COSAC ) نام سے منایا جاتا ہے۔ جن میں ثقافتی پروگراموں کے بشمول قوالی، بیت بازی، مشاعرہ، مہندی کے مقابلے، مضمون نگاری اور ڈبیٹ سمیت متعدد پروگرامز شامل ہیں۔ جن کے ذریعہ طلبا و طالبات کی صلاحت کو نکھارنا مقصد ہے۔ اس پروگرام میں مختلف یونیورسٹیوں کے طلبہ شرکت کررہے ہیں۔ Various competitions will be organized on 1st October on the foundation day of Language University
یہ بھی پڑھیں:
یونیورسٹی کی ثقافتی کمیٹی کے صدر پروفیسر تنویر خواجہ نے بتایا کہ کوجیک ( COSAC ) میں رجسٹریشن کو آسان بنانے کے مقصد سے آن لائن رجسٹریشن کا بندوبست کیا گیا ہے۔ نیز شرکت کرنے والے طلبہ کی رجسٹریشن فیس کو صرف 50 روپیے رکھا گیا ہے جو کہ وہ اپنے مقابلہ جاتی پروگرام کے دن وقت سے ایک گھنٹہ پہلے آکر رجسٹریشن ڈیسک پر جمع کرکے اپنی انٹری یقینی بنا سکتے ہیں۔ پہلا اور تیسرا مقام حاصل کرنے والے طلبہ کے علاوہ تمام شرکت کنندگان طلبہ کو سرٹیفکیٹ سے نوازا جائے گا۔
یہ بھی پڑھیں:
واضح رہے کہ خواجہ معین الدین چشتی لینگویج یونیورسٹی ریاست کی پہلی ایسی یونیورسٹی تھی جس میں اردو زبان کو لازم قرار دیا گیا تھا یونیورسٹی کے دستور میں اردو، عربی اور فارسی زبان کے فروغ کو بنیادی مقصد بتایا گیا تھا لیکن کچھ ہی برس بعد اردو کی لازمیت کو ختم کردیا گیا اور یونیورسٹی کا نام اردو، عربی اور فارسی سے تبدیل کرتے ہوئے لینگویج یونیورسٹی کر دیا گیا۔
