رمضان المبارک میں چندن شہید بابا کا مزار خاص ہوتا ہے

لاک ڈاؤن اور کورونا وائرس کی وجہ سے جہاں تجارتی شعبہ اور عام زندگی متاثر ہوئی ہے وہیں رمضان المبارک کے معمولات بھی شدید متاثر ہورہے ہیں۔

بنارس کے راج گھاٹ علاقے میں واقع چندن شہید بابا کا مزار رمضان المبارک میں بنارس و اطراف کے عوام کے لیے توجہ کا مرکز ہوا کرتا تھا۔

مقامی لوگوں کے مطابق شہید بابا کے مزار پر بنارس کی عوام خصوصی طور پر افطار کے لئے آتی تھی اور اپنی منت لے کر کے شہید بابا کے آستانے پر آتی تھی۔ اس دوران عوام کا ایک جم غفیر ہوتا تھا لیکن لاک ڈاؤن کی وجہ سے مزار انتظامیہ نے سختی سے عوام کو منع کیا ہے کہ مزار پر نہ آئیں۔ راج گھاٹ علاقے میں واقع شہید بابا کا مزار نہ صرف مرد کے لیے یے توجہ کا مرکز ہوتا ہے بلکہ خواتین، بچے، ہندو، مسلمان سبھی اپنی خراج عقیدت پیش کرنے شہید بابا کے آستانے پر پہنچتے ہیں۔ افطار کے بعد خصوصی دعا کا اہتمام کرتے تھے لیکن رواں برس پورا آستانہ ویرانوں میں تبدیل ہے فقط چند ہی افراد مسجد میں افطار کرتے ہیں۔