اترپردیش کے نوئیڈا اور گریٹر نوئیڈا میں محکمہ صحت کی جانب سے کورونا ویکسین کی ایک مہم ڈرائیو تھرو ویکسینیشن شروع کی گئی ہے۔ اس مہم کے تحت گاڑی پر سوار لوگوں کو بھی آسانی سے ویکسین لگائی جائے گی۔
یہ مہم نوئیڈا کے سیکٹر 18 میں واقع ڈی ایل ایف مال اور گریٹر نوئیڈا کے شہید وجے سنگھ پتھ اسپورٹس کمپلیکس میں کی جارہی ہے۔ ان دونوں مراکز میں 45 سال سے زائد عمر کے افراد کے لیے متعدد سہولیات فراہم کی گئی ہیں۔
ویکسینیشن کے پہلے دن دونوں مراکز پر 100-100 افراد کو ڈرائیو تھرو ویکسینیشن کے ذریعے پہلی خوراک دی جائے گی، یہ ٹیکہ کاری پروگرام صبح 9 بجے سے شام 5 بجے تک مسلسل جاری رہے گی۔
گوتم بودھ نگر کے ڈسٹرکٹ مجسٹریٹ سہاس ایل وائی نے بتایا کہ ویکسینیشن کی رفتار بڑھانے کے لئے ڈرائیو ان سینٹر شروع کیے گئے ہیں۔ جو نوئیڈا اور گریٹر نوئیڈا میں بنائے گئے ہیں۔
ڈی ایم نے بتایا کہ گوتم بودھ نگر کا محکمہ صحت اترپردیش حکومت کی جانب سے مفت ویکسینیشن کررہا ہے، لیکن لوگوں کو اس مہم سے فائدہ اٹھانے کے لئے پہلے رجسٹریشن یا اپائنٹمنٹ لازمی ہوگا۔
