بجنور میں دیوارگرنے سے تین مزدور زخمی

بجنور میں گنے کی کھوئی کو اکھٹا کررہے تین مزدور دیوارگرنے سے شدید طور پر زخمی ہوگئے جنہیں نجی اسپتال میں داخل کرایا گیا ہے۔

ریاست اترپردیش کے بجنور ضلع کےتھانہ نجیب آباد کے گاؤں چوگاواں میں صبح گنے کے کریشر مل میں مزدوری کر رہے تین مزدور کریشر کی دیوار گرنے کے سبب زخمی ہو گئے

مزدور کریشر کی دیوار کے نزدیک گنے کی کھوئی جمع کر رہے تھے کہ اچانک دیوار ان پر گر گئی جس میں روینا (30 سال)، جگدیش( 30 سال) اور تیسرا مزدور دیوار کے ملبے میں دب گئے ۔ جنہیں علاقے کے لوگوں نے ملبے سے نکال کر نجی اسپتال میں علاج کے لئے داخل کرایا ہے جن کی حالت فی الحال خطرے سے باہر ہے۔