جھانسی: کورونا وائرس کے مشتبہ مریض کی روپورٹ آئی

اتر پردیش کے جھانسی کے مہارانی لکشمی میڈیکل میں زیرعلاج کورونا وائرس سے مشتبہ مریض کی جانچ رپورٹ آگئی ہے ۔ رپورٹ میں بتایا گیا ہے کہ مریض کورونا وائرس کے اثرات سے محفوظ ہے ۔

جھانسی کے مہارانی لکشمی بائی میڈیکل کالج میں کورونا وائرس کے مشتبہ مریضوں کی تحقیقاتی رپورٹ گذشتہ شب آ گئی ۔ تحقیقاتی رپورٹ کے مطابق ، مریض کورونا وائرس کے اثرات سے محفوظ ہے ۔ اس کے بعد ڈاکٹروں اور انتظامیہ کی ٹیم نے راحت کی سانس لی ہے۔
واضح رہے کہ گذشتہ جمعرات کو جھانسی میڈیکل کالج کے تھانہ بڑگاؤں کے ایک 50 سالہ شخص کو کورونا وائرس سے مشتبہ مریض کے طور پر داخل کرایا گیا تھا۔ کورونا رسپانس ٹیم کے صدر ڈاکٹر این ایس سنجر نے بتایا کہ مذکورہ مریض کو داخل کروانے کے بعد نمونیا کا علاج شروع کیا گیا تھا۔
اس کے بعدوائرس کی تحقیقات کے لئے جمعہ کو لکھنؤ کے کنک جارج میڈیکل کالج میں نمونے بھیجے گئے تھے ، نمونے کی کمی کی وجہ سے تحقیقات نہیں ہوسکی ۔ جس کے بعد مزید نمونے لکھنؤ بھیجے گئے تھے۔ تحقیقاتی رپورٹ گذشتہ شب لکھنؤ سے آئی ۔ تحقیقاتی رپورٹ منفی آئی ہے۔ اس کے بعد مریض کے لواحقین اور انتظامیہ عہدیداروں نے سکون کی سانس لی ہے۔ لیکن مریض کی حالت اب بھی تشویشناک بتا ئی جا رہی ہے۔