مئو کی صدر اسمبلی نشست سے سہیلدیو بھارتیہ سماج پارٹی کے امیدوار عباس انصاری نے تشہیری مہم کے دوران ایک بیان کہا کہ لکھنؤ میں اکھلیش یادو سے بات کرکے آیا ہوں کہ حکومت بننے کے بعد نوکر شاہوں کا تبادلہ کچھ دنوں کے بعد ہوگا تاکہ ان سے حساب کتاب لیا جائے گا جنہوں نے نوجوانوں پر ظلم کیا ہے۔ Abbas Ansari Statement on State Officials
عباس انصاری کے اس بیان کے بعد الیکشن کمیشن آف انڈیا نے کارروائی کرتے ہوئے عباس انصاری پر بقیہ تشہیری مہم پابندی عائد کر دی ہے۔
اتر پردیش الیکشن کمیشن کے ایڈیشنل آفیسر بھرما دیو رام تیواری نے بیان میں کہا کہ عباس انصاری پر مثالی ضابطہ اخلاق کی خلاف ورزی کرنے پر گزشتہ شام 7 بجے سے 24 گھنٹے تک عباس انصاری پر اشتہاری مہم پر پابندی عائد کی گئی ہے۔ اس کی نوٹس انہیں بھیج دی گئی ہے۔
واضح رہے کہ عباس انصاری اپنی انتخابی تشہیری مہم کے دوران تقریر کر رہے تھے جس میں انہوں نے کہا تھا کہ اکھلیش یادو سے بات چیت کر کے آیا ہوں حکومت بنتے ہی نوکر شاہ افسروں کے تبادلے کو روک دیا جائے گا اور ان سے حساب کتاب کیا جائے گی۔
یہ ویڈیو سوشل میڈیا پر وائرل ہوئی جس کے بعد الیکشن کمیشن نے نوٹس لے کر ان پر کاروائی کی ہے۔
