ایک طرف جہاں ریاستی حکومت نے لاک ڈاؤن کے بعد پوری ریاست میں یقین دہانی کرائی تھی کہ سبھی ضرورت مندوں کو مفت راشن ملے گا.
ای ٹی وی بھارت سے بات کرتے ہوئے لکشمی نے بتایا کہ لاک ڈاؤن کے بعد سے کاروبار بند ہوچکا ہے ۔ بڑی دشواریوں کا سامنا کرنا پڑ رہا ہے ۔ وہ بہت ہی غریب ہیں.
انہوں نے کہا کہ لاک ڈاؤن کو قریب دو ہفتے سے زائد ہو رہے ہیں ۔ اب گھر کے سبھی سامان ختم ہوگئے ہیں۔ راشن کارڈ بھی نہیں ہیں جس کی وجہ سے چولہا جلانا بہت مشکل ہوگیا ہے.
لکشمی کے پاس چار چھوٹے بچے ہیں اور وہ روزانہ بنارس کے لہرتارا پولیس چوکی پر کھانا لینے آتی ہیں. انہوں نے کہا کہ ایسے سینکڑوں افراد ہیں جن کے پاس راشن نہیں ہے اور راشن کارڈ نہ ہونے کی وجہ سے انہیں راشن نہیں مل پارہا ہے.ایسے میں ان لوگوں کو اگر پولیس چوکی سے کھانا مل جاتا ہے تو ٹھیک ہے ورنہ بھوکے رات گزارنا پڑتا ہے.
