میرٹھ میں انعامی بدمعاش گرفتار

میرٹھ میں پولیس اور بدمعاشوں کے درمیان تصادم ہوگیا، اس دوران پولیس نے ایک انعامی بدمعاش کو گرفتار کرلیا جبکہ اس کا دوسرا ساتھی فرار ہونے میں کامیاب رہا۔

ریاست اترپردیش کے میرٹھ سے تھانہ نوچندی علاقے میں پولیس اور بدمعاشوں کے مابین تصادم ہوا۔ اس میں ایک بدمعاش کے پیر میں گولی لگنے سے زخمی ہو گیا۔ جس کے بعد پولیس نے اسے گرفتار کر لیا، جبکہ دوسرا فرار ہونے میں کامیاب ہو ا۔

پچیس ہزار کا انعامی بدمعاش گرفتار

اطلاع کے مطابق پولیس تلاشی مہم کے دوران ایک اسکوٹی سوار کو روکنے کی کا اشارہ کیا گیا، لیکن تیزی سے فرار ہونے لگے اس کے بعد پولیس نے اس کا تعاقب کیا۔ بدمعاشوں نے پولیس پر فائرنگ کردی۔

پولیس کی دفاعی فائرنگ میں تاج محمد بن یعقوب کے پیر میں گولی لگی اسے گرفتار کر لیا گیا ہے جبکہ ایک بدمعاش فرار ہونے میں کامیاب رہا۔

پولیس کے مطابق یہ شاطر قسم کے بدمعاش ہیں، مظفر نگر سمیت میرٹھ کے متعدد تھانے میں لوٹ اور موٹر سائیکل چوری کے درجنوں مقدمات درج ہیں۔ ان کی گرفتاری پر 25 ہزار کے انعام کا اعلان کیا گیا تھا۔

پولیس نے ان کے پاس سے ایک طمنچہ، دو زندہ کارتوس اور ایک اسکوٹی برآمد کی ہے۔ زخمی کو علاج کے لیے اسپتال میں داخل کرایا گیا ہے۔