اتر پردیش مدرسہ تعلیمی بورڈ کا امتحان اختتام پذیر

ریاست اترپردیش مدرسہ تعلیمی بورڈ کے امتحانات آج اختتام پذیر ہو گئے. اس سال مئو ضلع میں چھ ہزار سے زائد طلبا و طالبات مدرسہ تعلیمی بورڈ کے امتحانات میں شامل ہوئے۔

یو پی ایجوکیشن بورڈ کے طریق کار پر منعقد ہو رہے مدرسہ بورڈ کے امتحان میں یکساں نظم و ضبط نافذ کئے گئے ہیں۔

مدارس میں سی سی ٹی وی کیمروں کی نگرانی میں امتحانات منعقد کرائے گئے۔

مراکز پر صاف و شفاف امتحانات منعقد کرانے کے لئے محکمہ اقلیتی فلاح و بہبود کی جانب سے سینٹر انچارج تعینات کئے گئے۔

مدرسہ تعلیمی بورڈ کے امتحانات کے ساتھ ساتھ ہی یو پی ایجوکیشن بورڈ کے امتحانات بھی جاری رہے۔

یوپی ایجوکیشن بورڈ کے امتحانات میں کئی بار بد عنوانی کے معاملے سامنے آئے، لیکن مدرسہ بورڈ کے امتحان میں ایسی کوئی بات نظر نہیں آئی۔

مدارس کے ذمہ داروں نے اس پر اظہار اطمینان کیا ہے مئو ضلع میں قائم مدرسہ بورڈ کے 22 مراکز میں پر امن طریقے سے امتحان مکمل ہوئے۔