زمین کے لیے باپ کا قتل

اترپردیش کے ضلع کشی نگر کے کھڈا علاقے میں آبائی زمین پر قبضے کے لیے شراب کے نشے میں بیٹے نے اپنے ہی والد کو پیٹ۔ پیٹ کر مار ڈالا۔

پولیس نے اتوار کے روز بتایا کہ وشنپورا بزرگ گاؤں باشندہ رام اودھ ورما (65) کے چار بیٹے ہیں اور چاروں الگ۔الگ رہتے ہیں۔بڑے بیٹے کا الزام ہے کہ اس کا دوسرے نمبر کا بھائی سبھاش بدمعاش قسم کا ہے۔ دوسروں کے گھروں میں چوری کرنا، کھیت سے فصل کاٹ لے جانا جیسے غلط کام کرنے کے ساتھ ساتھ شراب پی کر کافی ہنگامہ مچاتا ہے۔

علامتی تصویر

آبائی زمین کی تقسیم میں والد کو گزر بسر کے لئے کچھ حصہ ملا تھا۔ لیکن والد کے حصے کی زمین پر بھی سبھاش ہی کھیتی کرتا تھا۔والد نے اپنی حصے کی زمین اس سے لے لی۔اس سے ناراض سبھاش سنیچر کی رات ان کو مارنے کے لئے ڈھونڈھ رہا تھا۔ ڈر کی وجہ سے وہ پڑوسی کے گھر میں چھپ گئے تھے۔ سبھاش کی بیوی نے اس کی اطلاع دی۔

اطلاع ملتے ہی سبھاش وہاں پہنچا اور پیٹ پیٹ کر انہیں زخمی کردیا۔ جب وہ زخموں کی تاب نہ لاکر گر گئے اور سر پھوٹنے کی وجہ سے ان کا پورا جسم خون سے شرابور ہوگیا، تو سبھاش ان کو اسی حالت میں چھوڑ کرفرار ہوگیا۔
علاج کے لئے انہیں اسپتال میں داخل کرایا گیا جہاں ڈاکٹروں نے انہیں مردہ قرار دے دیا۔
پولیس کے مطابق تحریری شکایت پر ملزم سبھاش کے خلاف غیر ارادتاً قتل کا مقدمہ درج کیا گیا ہے۔ ملزم پولیس کی حراست میں ہے اور انکوائری کی جارہی ہے۔