ریاست اترپردیش کے شہر رامپور پہنچے عام آدمی پارٹی کے صوبائی صدر اور رکن پارلیمان سنجے سنگھ نے یوگی حکومت پر تنز کرتے ہوئے کہا کہ بی جے پی حکومت میں خواتین کے ساتھ ظلم و جنسی زیادتیوں کے معاملوں میں اضافہ ہو گیا ہے۔
انہوں نے کہا کہ اترپردیش حکومت جرائم کی روک تھام میں ناکام ثابت ہو چکی ہے۔
انہوں نے کہا کہ بی جے پی حکومت میں ذات برادری دیکھ کر جنسی زیادتی کی وارداتوں کو انجام دینے والے لوگوں کو بچایا جا رہا ہے۔
انہوں نے کہا کہ کورونا جیسے نازک دور میں جب لاشیں بچھی ہوئی تھیں، اس وقت یوگی حکومت نے شمشان میں بدعنوانی کی۔ آٹھ سو آکسیمیٹر 5 ہزار میں خریدہ، ایک ہزار 600 کا تھرما میٹر 13 ہزار میں خریدہ۔
زرعی قانون سے متعلق عآپ رکن پارلیمان سنجے سنگھ نے مرکز کی مودی حکومت کو اپنی تنقید کا نشانہ بناتے ہوئے کہا کہ زرعی قانون سراسر کاشتکاروں کے ساتھ بہت بڑا دھوکا ہے۔
زرعی قانون کی خامیاں گناتے ہوئے سنجے سنگھ نے کہا کہ اس بل میں بدعنوانی، سیاہ بازاری، جمع خوری، مہنگائی وغیرہ تمام چیزوں کا سامنا کرنا پڑیگا اور ایم ایس پی نہیں ملے گی۔ رامپور پہنچنے پر سنجے سنگھ کا پارٹی کارکنان نے پرتپاک استقبال کیا۔
بتا دیں کہ عآپ رکن پارلیمان سنجے سنگھ آج کچھ لوگوں کو اپنی پارٹی کی رکنیت دلانے رامپور پہنچے تھے۔
